Ye Aankh Rone Ki Shiddat Se Laal Thori Hai,

Malal Hai Mager Itna Malal Thori Hai,

Bas Apne Waste Hi Fikar Mand Hen Sab Log,

Yahan Kisi Ko Kisi Ka Khayal Thori Hai,

Paron Ko Kaat Diya Hai Uraan Se Pehley,

Ye Khof-e-Hijr Hai Shoq-e-Visal Thori Hai,

Jawab Ye Hai K Ab Koi Bhi Jawab Nahi,

Sawal Ye Hai K Ab Ye Sawal Thori Hai,

Maza To Jab Hai K Haar K Bhi Hanstey Raho,

Hamesha Jeet Hi Jana Kamal Thori Hai,

Lagana Parti Hai Dubki Ubharne Se Pehley,

Gharob Hone Ka Matlab Zawal Thori Hai...?...!!!