Ajab apana haal hota jo visaal-e-yaar hota 

kabhi jaan sadaqe hoti kabhi dil nisar hota


na mazaa hai dushmani mein na hai lutf dosti mein 

koi Gair Gair hota koi yaar yaar hota


ye mazaa tha dillagi ka k baraabar aag lagati 

na tumhein qaraar hota na hamein qaraar hota


tere waade par sitamagar abhi aur sabr karate 

agar apani zindagi kaa hamein aitabaar hota

Jadaa-e-fan mein bare sakht muqaam aate hain 

mar ke rah jaataa hai fanakaar amar hone tak


kitne gaalib the jo paidaa huye aur mar bhi gaye 

qadradaan ko taKhallus ki kHabar hone tak

kitane iqabaal rah-e-fikr mein uthe lekin

raastaa bhuul gaye Khatm-e-safar hone tak


kitane shabbiir hasan khaan na bane josh kabhi 

mar gaye kitane sikander bhi jigar hone tak


faiz rang bhi ashaar mein aa sakataa thaa 

ungaliyaan saath to dein Khuun mein tar hone tak


chand zarron hi ko milati hai ziyaa-e-Khurshiid 

chand taare hi chamakate hain sahar hone tak


dil-e-shaayar pe kuchh aisi hi guzarati hai 'figaar' 

jo kisii qatare pe guzare hai gohar hone tak