kabhi mujh ko saath lekar, kabhi mere saath chal kar 

vo badal gaye achaanak meri zindagi badal kar

huye jis pe meharabaan tum ko_ii Khush naseeb hoga 

meri hasratein tou nikliin mere aansuuon mein Dhal ke

teri zulf-o-rukh k qurbaan dil-e-zaar dhuundhtaa hai

vahi champa_ii ujaale vahi surama_ii dhu.ndalake

koi phuul ban gayaa hai koi chaand koi taaraa 

jo chiraag bujh gaye hain teri anjuman men jal ke

mere dosto khudaaraa mere saath tum bhi dhuundo 

vo yahiin kahiin chhupe hain mere Gam ka rukh badal ke

teri be-jhijhak hansii se na kisi kaa dil ho mailaa 

ye nagar hai aa_iino.n kaa yahaan saans le sambhal ke