kuch khud bhi thay afsurda sey

kuch tum bhi hum se rooth gaye

kuch khud bhi zakham k aadi thay

kuch sheeshay haath se chhoot gaye

kuch khud bhi thay hassas bohat

kuch apnay muqaddar rooth gaye

kuch tum ko such se nafrat thi

kuch humse na bolay jhoot gaye

kuch logon ne uksaaya tumhain

kuch apne muqaddar phoot gaye

kuch khud itney muhtaat na thay

kuch log bhi hum ko loot gaye

kuch talkh haqaaiq thay itney

k khuab hi saarey toot gaye !!