Aisa nahi ke hum ko mohabbat nahi mili

Jaisi chahte thhe hum ko woh ulfat nahi mili

Milne ko zindagi mein kai humsafar mile

Par un ki tabiyat se tabiyat nahi mili

Chehron mein doosron ke tumein dhoondte rahe

Soorat nahi mili kahin seerat nahi mili

Bahaut der se aaya tu mere pass kya kahun

Ilfaaz dhoondne ki bhi mohlat nahi mili

Tujh ko gila raha ke tuwajjo na di tujhe

Lekan hamein khud apni mohabbat nahi mili

Her shakhs zindagi mein badhi der se mila

Koi bhi cheez waqte zaroorat nahi mili

Hum ko to teri aadat achhi lagi

Afsos keh tujh se meri aadat nahi mili ...!